Sogn og Fjordane Næringsråd vart skipa i 2016 og har som målsetting å vere ein sterk og samlande næringspolitisk organisasjon på vegne av næringslivet i Sogn og Fjordane. Ved årskiftet har Sogn og Fjordane Næringsråd 120 medlemar frå ulike bedrifter og organisasjonar og fleire av desse er frå Havbruksnæringa.
Sogn og Fjordane Næringsråd er også medlem i Næringsalliansen Vestland og har eit tett og godt samarbeid med dei andre næringspolitiske organisasjonane på Vestlandet.

Les meir i lenka: Høyringsuttale om grunnrenteskatt på havbruk

Sogn og Fjordane Næringsråd og Næringsalliansen Vestland har vore pådrivarar og aktive deltakakarar i arbeidet både med Vestlandssenarioene i 2020 i arbeidet med Vestlandsporteføljen i 2021. Dette har vore ein viktig del av grunnlaget for den første næringsplanen i Vestland fylkeskommune, og det har vore fylkeskommunen og Innovasjon Norge som har vore oppdragsgjevarar. EY har utført arbeidet og meir enn 260 bedrifter og organisasjonar har delteke i arbeidet i heile Vestland.

Gjennom arbeidet med Grøn region Fjordane og Indre Vestland har vi sett svært mange bedrifter frå Sogn og Fjordane som driv banebrytande arbeid både nasjonalt og internasjonalt. Det er fantastisk kjekt og inspirerande å sjå kor mykje spennande som skjer i næringslivet i Sogn og Fjordane når det gjeld grøn omstilling og berekraftige løysingar og vi anbefaler sterkt å bruke litt tid til å gå gjennom rapportane i Grøn region Vestland. Desse ligg mellom anna på heimesida til Sogn og Fjordane Næringsråd og Vestland fylkeskommune (trykk på bilda for å gå vidare):