Oppsummering etter styremøtet i Sogn og Fjordane Næringsråd på PEAK Sunnfjord 26. september 2023
Styret i Sogn og Fjordane Næringsråd hadde styremøte på PEAK Sunnfjord 26. september 2023 og handsama viktige næringspolitiske saker i tillegg til å jobbe med handlingsprogram for ny strategiplan og kommunikasjonsplan.
Dei mest aktuelle sakene som Sogn og Fjordane Næringsråd jobbar med for tida er:
- Formuesskatt/skatt på arbeidande kapital.
- Grunnrenteskatt på Småkraft og Storkraft. Eventuelt nye skatteobjekt for grunnrente.
- Kapasitetsutfordingar i NVE. Svært treig konsesjonshandsaming for alle tiltak.
- Statsbudsjettet for 2024 blir lagt fram 6. oktober
- Nullutsleppskrav 2026 i Flåm/Aurland
- Nasjonal Transport 2025-2036
- Kompetanse og rekruttering.
- Bygge sterke alliansar med andre næringspolitiske organisasjonar på heile Vestlandet
- m.fl
Styreleiar Yngve Hallén, Jørgen Drage, Kristin Bergstøl Hansen, Jon-Rune Heimlid, Jannet Aksnes, nestleiar Tore Bråstad, Pål Anders Kårstad frå PEAK Sunnfjord og dagleg leiar Bjørn Lødemel. Geir Arne Solheim er også med i styret, men han hadde forfall denne dagen.
Meir effektivt og målretta kommunikasjon til medlemsbedrifter og andre
Det skal lagast ein god og målretta plan for kommunikasjon til medlemsbedrifter og næringslivet i Sogn og Fjordane i løpet av hausten. Vi skal forsterke arbeidet med å synleggjerer det næringspolitiske arbeidt vi gjer for å betre rammevilkåra til næringslivet i Sogn og Fjordane. Vi skal også bli flinkare til å få fram resultata vi oppnår saman med våre medlemsbedrifter og andre næringspolitiske organisasjonar.
Det skjer svært mykje spennande i eksisterande næringsliv i Sogn og Fjordane og det ønskjer vi å ha stort fokus på framover. I tillegg ønskjer vi sjølvsagt å framsnakke nyskaping og gründerar som startar opp i Sogn og Fjordane.
Bli medlem
Sogn og Fjordane Næringsråd ønskjer å invitere fleire til å bli medlem hos oss både for å styrke det næringspolitiske arbeidet og få fram viktige saker som våre medlemar og næringslivet i Sogn og Fjordane og Vestland er opptekne av. Det er berre å ta kontakt om du ønskjer meir informasjon eller kanskje eit besøk? Her er link til innmelding også om du ønskjer det.
