Regjeringa har sendt på høyring eit utkast til nytt besøksbidrag.
Det er høyringsfrist 3. januar.

Dette er henta frå pressemeldinga til Regjeringa:

I møte med økende turisme vil regjeringen gi kommunene mulighet til å innføre besøksbidrag. Besøksbidraget skal bidra til å finansiere fellesgoder i kommuner med mange turister, som kommer både turister og befolkningen til gode.

«Vi har lagt vekt på at et besøksbidrag skal omfatte alle former for overnatting, inkludert Airbnb, for at konkurransen mellom ulike former for overnattingstjenester skal påvirkes minst mulig, sier Myrseth. Forslaget gjelder hoteller, campingplasser, bobilparker, vandrerhjem, privatutleie, hotellskip, fritidsbåter i gjestehavn og annen overnattingsvirksomhet.»

Det skal være frivillig for kommunene om de ønsker å innføre en ordning med besøksbidrag. Pengene kan bare brukes på å finansiere fellesgoder, som for eksempel tilrettelegging av stier og toaletter, søppeltømming, eller informasjon, for å nevne noe.

Lovforslaget fastsetter et øvre tak for overnattingsavgiften på 5 prosent.

Høyringsuttale frå Sogn og Fjordane Næringsråd
Sogn og Fjordane Næringsråd meiner det er rett å innføre eit besøksbidrag dersom formålet er å gjere Norge til eit betre reisemål og redusere dei store ulempene som mellom anna villcamping har hatt dei siste åra. Dette har utvikla seg til å bli ei alvorleg utfordring dersom vi skal ta vare på den flotte naturen vår, og at tilgrising og overforbruk ikkje skal øydelegge det vi har å tilby som reisemål og til rekreasjon.

Sogn og Fjordane Næringsråd meiner det er rett å gje kommunane høve til å innføre ei besøksavgift, men vi meiner det er feil å innføre ei overnattingsavgift for hotell og andre overnattingsstadar der gjestane i dag betaler for tenester i tilknyting til overnattingsstaden.

Dersom denne avgifta skal ha ein funksjon er det i første rekke bubilar, fricamperar, bussturistar og cruiseturistar som må betale. Når det gjeld cruiseturistar betaler skipa allereie kaiavgift og passasjeravgift medan dei andre er fullstendig gratispassasjerar. Sogn og Fjordane Næringsråd meiner det er desse gratispassasjerane som ei besøksavgift må treffe dersom denne ordninga skal vere truverdig.

Sogn og Fjordane Næringsråd meiner det er viktig at dette blir ei ordning som er minst mogeleg byråkratisk og støttar det som står i høyringsutkastet.: Pengene kan bare brukes på å finansiere fellesgoder, som for eksempel tilrettelegging av stier og toaletter, søppeltømming, eller informasjon, for å nevne noe.

Det finst allereie i dag ordningar, mellom anna i Sveits, som fungerer bra i høve til dagsturistar og tilfeldig besøkande. Der betalar turistane eit daglege besøksbidrag, og får til gjengjeld mellom anna gratis kollektivtransport og rabattar på museum, gondolar og andre turistattraksjonar.

Det er også mogleg å utvikle digitale løysingar for dagsturistar som til dømes ein tilpassa «Veneziamodell». Digitale ordningar vil vere enkle å administrere og det vil treffe direkte på reisemålet.

Samandrag:

Sogn og Fjordane Næringsråd meiner at det er feil å innføre ei overnattingsavgift.

Det viktigaste med eit nytt besøksbidrag er:

• At ein treffer dei rette målgruppene. I første rekke bubilar, fricamperar, bussturistar og cruiseturistar.
• At ordninga er minst mogeleg byråkratisk.
• At pengane som blir samla inn blir brukt lokalt, og kjem alle til gode. Til dømes for å forbetre infrastruktur og offentleg transport, finansiere toalett og naturforvaltning og til frivillig arbeid som skal tene Norge som eit berekraftig reisemål.
• Det må så snart som råd prøvast ut digitale løysingar som treff både målgrupper og reisemål og styrkar lokale turistattraksjonar.

2. januar 2025

Bjørn Lødemel
Dagleg leiar