Sogn og Fjordane Næringsråd ønsker velkommen til generalforsamling på Quality Hotel Sogndal 7. juni kl. 12.00 – 17.30. Eit sentralt tema på programmet er klimamelding og bærekraft, og vi har blant anna med oss klima- og miljøminister Sveinung Rotevatn.
Påmelding til: bjorn@sf-n.no seinast 1. juni.
Førstemann til mølla om det blir restriksjonar i talet på deltakarar.
Pris for lunsj og kaffimat er 350,- kroner (betalast direkte til hotellet). Bestill lunsj ved påmelding.
https://www.sf-n.no/wp-content/uploads/2021/04/Bilde-Sveinung-Rotevatn-7-scaled-1.jpg10801920mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2021-04-30 13:55:362024-11-25 13:09:58Generalforsamling 7. juni
Vi har bak oss eit svært spesielt og krevjande år på alle måtar. Koronapandemien har sett sitt preg på det meste vi har gjort både som enkeltpersonar, næringsliv og offentlege myndigheiter. For mange av våre medlemsbedrifter har det vore eit svært krevjande år med stor usikkerheit både for det daglege og for framtida. Særleg gjeld dette for reiselivet. For andre har det gått betre, og det er å håpe at etter kvart som fleire og fleire blir vaksinert kan vi kome tilbake til ein meir normal situasjon både for næringslivet og for samfunnet.
https://www.sf-n.no/wp-content/uploads/2021/04/Bilde-PEAK-Sanner-scaled-1.jpeg14401920mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2021-04-12 10:00:522024-11-25 13:10:29Årsrapport for Sogn og Fjordane Næringsråd 2020
På Generalforsamlinga til Sogn og Fjordane Næringsråd 17. juni vart det valt 3 nye medlemmer i styret. Dei nye medlemmene er: Jannet Aksnes frå Flåm, Jon B Nesje frå Stryn og Geir Arne Solheim frå Deknepollen.
Torsdag 27. august hadde det nye styret sitt første møte på Kviknes Hotell i Balestrand, og heile gjengen stilte opp til fotografering i hotellhagen på Kviknes Hotell.
Frå venstre: Jon B Nesje, dagleg leiar Bjørn Lødemel, Elin Tveit Sveen, Geir Arne Solheim, styreleiar Yngve Hallèn, Jannet Aksnes, nestleiar Leif Arne Åsen og Tore Bråstad.
Mange saker er løyste med god hjelp av Sogn og Fjordane Næringsråd
Sogn og Fjordane Næringsråd har jobba med mange viktige saker for næringslivet i Sogn og Fjordane siste åra, og det er mykje spennande som skal skje framover.
Havbruksskatteutvalet la fram innstilling om grunnrenteskatt for oppdrettsnæringa. Det vart avvist av regjeringa
Kraftskatteutvalet la fram innstilling om grunnrenteskatt for småkraftnæringa, inndraging av kraftinntektene til kraftkommunane og ei dårleg skatteordning for større kraftutbyggingar og oppgradering av kraftverk. Grunnrenteskatt for småkraftverk og inndraging av kraftskatten til kraftkommunane vart avvist av regjeringa.
Elavgift for datalagringsindustrien vart avvist i Revidert Nasjonalbudsjett i juni 2020.
Ordninga med sukkeravgift vart sett tilbake til 2017 i Revidert Nasjonalbudsjett i juni.
fl.
Mange viktige saker er ikkje løyste, og det skal jobbast aktivt og målretta med desse framover:
Konsekvensane av koronaepidemien for næringslivet i Sogn og Fjordane blir ei av hovudsakene.
Nasjonal Transportplan 2022-2033. Skal vedtakast i Stortinget i juni 2021.
Stad skipstunnel i statsbudsjettet for 2021.
Nytt kraftskatteregime for større kraftutbyggingar, renovering og oppgradering av gamle kraftverk.
Meir rettferdig nettleige.
Rekruttering og kompetanse for næringslivet og bedriftene i Sogn og Fjordane.
Vidareutvikling av det gode samarbeidet i Vestland
Sogn og Fjordane Næringsråd har utvikla eit svært godt samarbeide med Bergen Næringsråd og Næringsalliansen i Hordaland. Dette skal vidareutviklast og Sogn og Fjordane Næringsråd ønskjer å bli ein del av Næringsalliansen.
Det har vore opne dører til den nye Vestland fylkeskommune både politisk og administrativt. Sogn og Fjordane Næringsråd skal halde god kontakt med Vestland fylkeskommune for å få fram saker som vedkjem næringslivet i Sogn og Fjordane.
Ein sterk næringslivsorganisasjon
Sogn og Fjordane Næringsråd er på god veg til å bli ein sterk næringslivsorganisasjon i Sogn og Fjordane og i Vestland som har god politisk gjennomslagskraft og som er pådrivar for framtidsretta strategisk utviklingsarbeid i Sogn og Fjordane. Sogn og Fjordane Næringsråd har også teke ein viktig posisjon inn mot regjeringa og Stortinget. Alt dette ønskjer vi å forsterke i tida som kjem.
For å klare dette må Sogn og Fjordane Næringsråd ha ei stor og representativ medlemsmasse frå næringslivet i Sogn og Fjordane.
Sogn og Fjordane Næringsråd er svært gladet og takksame for at vi har om lag 120 medlemar og vi ser svært gjerne at det blir ennå fleire. Ta kontakt, vi kjem gjerne på besøk om det er ønskje om det. Her kan du melde inn bedrifta di.
https://www.sf-n.no/wp-content/uploads/2020/09/Bilde-av-det-nye-styret-i-Balestrand-27.08.2020-scaled-1.jpg14091920mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2020-09-03 14:50:132024-11-25 13:10:52Her er det nye styret i Sogn og Fjordane Næringsråd!
Sogn og Fjordane Næringsråd ønskjer å utsette Generalforsamlinga til 17. juni for å kunne ha eit fysisk møte og for å støtte opp om lokalt reiseliv.
Sogn og Fjordane Næringsråd hadde planlagt å ha Generalforsamlinga dette året på Thon hotell Jølster på Skei 21. april. I 2019 hadde vi Generalforsamlinga på Hoven i Loen der mellom anna statsminister Erna Solberg var med og det er viktig for oss å vise fram medlemsbedriftene på våre arrangement.
Koronakrisa har gjort at vi ikkje kunne arrangere Generalforsamlinga som planlagt 21. april så vi bestemte oss for å utsette den til 28. mai i håp om at vi kunne arrangere eit fysisk møte. Heilt fram til sist torsdag vart det planlagt å ha ei digital Generalforsamling, men dei nye smittevernreglane som kom sist torsdag gjorde det mogeleg å ha arrangement med inntil 200 deltakarar etter 15. juni. Det er vi svært glade for.
Dersom smittesituasjonen ikkje endrar seg og medlemane i Sogn og Fjordane Næringsråd aksepterer ei utsetting ut over det som står i vedtektene kjem vi til å ha årets Generalforsamling på Thon hotell Jølster på Skei 17. juni kl 1400 til 1700. Det blir no jobba for fullt med det praktiske med Generalforsamlinga. Vi har allereie sendt invitasjon til Næringsministeren og vil følgje opp med andre spennande deltakarar. Vi ønskjer å få til eit spennande program i tillegg til den formelle Generalforsamlinga.
Sogn og Fjordane Næringsråd er svært glade og letta over at smittesituasjonen er under kontroll, og at det har skjedd så raskt. Det gjer at samfunnet og næringslivet kan opne opp gradvis og ein kan etter kvart sette på meir fart. I den situasjonen vi er i no er det heilt avgjerande at alle stiller opp for næringslivet i Sogn og Fjordane og særleg for bedriftene i reiselivet som har ekstra tøffe kår.
Etter to månader med digitale møter i alle fasongar er det Sogn og Fjordane Næringsråd sitt klare råd at vi treng å sjå meir enn ansikta, vi må sjå heile menneske. Vi vil derfor oppfordre alle til å bruke dei fantastisk flotte reiselivsbedriftene vi har i Sogn og Fjordane til møter, samlingar og ikkje minst til årets sommarferien. Det vil alle ha stor glede og nytte av og det vil ikkje minst vere ei fin vidareføring av den gode dugnadsånda som har prega oss dei 2 siste månadane.
https://www.sf-n.no/wp-content/uploads/2020/05/Bilde-Sindre-Ardal-Thon-hotell-scaled-1.jpg15831920mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2020-05-12 10:12:082024-11-25 13:11:04Generalforsamling flytta til 17. juni
Styre har vedteke å utsette Generalforsamlinga til 28. mai i håp om at vi kan ha ei tilnærma «normal» Generalforsamling. Dersom det går vil vi ha GF på Thon Hotell Jølster på Skei frå kl 12:00 til 16:00 med den formelle GF frå kl. 15:00-16:00. Det blir jobba med eit enkelt program frå kl 12:00-15:00.
Styre vil ta endeleg stilling til kva form vi skal ha GF om lag 1. mai og vi vil kome tilbake til dette så snart vi har teke ei avgjerd. Sakene blir sendt ut 10. mai og vi vil minne om at dersom det er saker som medlemane ønskjer blir handsama må dei vere sendt inn seinast 28. april.
https://www.sf-n.no/wp-content/uploads/2017/08/sfn-scaled.jpg13581920mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2020-04-15 12:49:122024-11-25 13:11:16Generalforsamlinga som var planlagt 21. april blir utsett til 28. mai.
Sogn og Fjordane Næringsråd kan sjå tilbake på eit spennande og innhaldsrikt år. Det har vore mange bedriftsbesøk og mange viktige arrangement både i eigen regi og saman med andre. SFN har fått markert seg som eit viktig talerøyr og døropnar inn mot regjeringa og Stortinget på vegne av enkeltmedlemmar og fellesskapet. Den siste tida har vi til dømes brukt mykje tid på kraftskatteutvalet og havbruksutvalet. Det har også vore ei svært gledeleg utvikling i medlemstalet med ein auke frå 85 ved sist årsskifte til vel 120 i dag.
Sogn og Fjordane Næringsråd har også fått på plass gode kontaktpunkt mot nye Vestland fylkeskommune både politisk og administrativt. Samlinga vi hadde saman med Bergen Næringsråd og Næringsalliansen i Hordaland tidleg i november var svært viktig både for å knyte kontakt med nye Vestland fylke og med andre næringspolitiske organisasjonar i Vest.
Det blir viktig og nyttig å styrke kontakten både med fylkeskommunen og dei andre Næringsorganisasjonane framover for å kunne tale næringslivet i Sogn og Fjordane si sak i det næringspolitiske arbeidet i Vestland. Dette gjeld både i arbeidet med strategisk næringsplan i fylkeskommunen og ikkje minst i arbeidet med rullering av Nasjonal Transportplan.
Sjølv om det har skjedd mykje positivt siste året er dette likevel berre starten på å bygge ein sterk og slagkraftig næringspolitisk organisasjon for næringslivet i Sogn og Fjordane. Vi kjem til å jobbe vidare med å bygge organisasjon, bygge alliansar og arbeide vidare med næringspolitiske saker inn mot styrande organ og vi ser fram til eit godt og spennande samarbeid i 2020.
Her er litt av det som skal skje rett over nyttår:
Magasin om næringslivet i Sogn og Fjordane i 2020
Ei viktig oppgåve for Sogn og Fjordane Næringsråd er å framsnakke våre medlemsbedrifter og næringslivet i Sogn og Fjordane. Det gjeld både i møte med offentlege myndigheiter, på samlingar eller i møte med andre organisasjonar. Det skjer utruleg mykje spennande i næringslivet i Sogn og Fjordane, og det er merkeleg å oppleve kor lite av dette som er kjent både innanfor og utanfor Sogn og Fjordane. Når vi blir ein del av Vestland frå 1.1.2020 er det ein ekstra god grunn til å få fram det som skjer i næringslivet i Sogn og Fjordane. Dette ønskjer vi å gjere noko med.
Sogn og Fjordane Næringsråd vil saman med ei av våre medlemsbedrifter, A til Å, undersøkje om det er ønskje om å vere med i eit Magasin som syner det spennande næringslivet vi har i Sogn og Fjordane, og som kan brukast til marknadsføring og ulike presentasjonar. Det blir både ei trykksak og ei digital utgåve på heimesida til Sogn og Fjordane Næringsråd. Vi kjem til å ta kontakt med alle medlemsbedriftene rett over nyttår for å lodde stemninga for å vere med. Dersom det er interesse er det planen at Magasinet kan presenterast på generalforsamlinga vår 21. april 2020.
Medlemsundersøking saman med Bergen Næringsråd
Det er svært viktig for Sogn og Fjordane Næringsråd å vere tett på bedriftene og næringslivet i Sogn og Fjordane for å kunne ta opp aktuelle saker og knyte kontaktar. I tillegg til direkte kontakt med medlemsbedriftene ønskjer vi å vere med på ei medlemsundersøking som Bergen Næringsråd har for sine medlemsbedrifter i Hordaland rett over nyttår.
Medlemsundersøkinga vil handle om kva som skjer i bedrifta i 2020 og om framtidsutsiktene vidare. SFN ønskjer å ha med spørsmål som handlar om Sogn og Fjordane og spørsmål som handlar om Vestland. Undersøkinga vil også bli brukt inn mot fylkeskommunen sitt arbeidet med strategisk næringsplan og aktivitetar i fylkeskommunal regi som Sogn og Fjordane Næringsråd skal vere med på. Medlemsundersøkinga vil også bli ei nyttig kartlegging for Sogn og Fjordane Næringsråd og den vil vere med på å legge grunnlaget for ein del av våre aktivitetar i 2020.
God jul, og godt nytt år!
https://www.sf-n.no/wp-content/uploads/2019/12/Bilde-julehelsing-2019.png479515mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2019-12-19 09:40:542024-11-25 13:11:34Nyheitsbrev og julehelsing frå Sogn og Fjordane Næringsråd
Sogn og Fjordane Næringsråd har invitert finansminister Jan Tore Sanner til å kome til Sogn og Fjordane.
Vi er no svært glade for at vi har fått stadfesta at han kjem på besøk 14. februar 2020.
Vi jobbar med ei spennande reiserute og program for besøket. Dette kjem vi tilbake til med endeleg program og reiserute så snart det er avklart.
Framsidebilete er tatt av Marte Garmann, Regjeringen.no
https://www.sf-n.no/wp-content/uploads/2019/12/jan-tore-sanner.jpg12801920mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2019-12-05 12:17:372024-11-25 13:13:05Finansminister Jan Tore Sanner kjem på besøk til Sogn og Fjordane
Sogn og Fjordane Næringsråd og Bergen Næringsråd/Næringsalliansen inviterer til ei spennande og viktig næringspolitisk samling i Førde 4.-5. november med tema Næringspolitikk i Vestland. Framtidig organisering og samarbeid vil vere viktige tema.
Kommunal- og moderniseringsminister Monica Mæland skal innleie på konferansen, og det nye fylket vil ha ei sentral rolle i arrangementet. Innovasjon Norge skal også delta og Sparebanken Sogn og Fjordane og Sparebanken Vest er inviterte for å snakke om næringspolitisk samarbeid i Vestland.
Espen Børhaug (næringspolitisk rådgivar, Bergens Næringsråd), Marit Warncke (administrerande direktør, Bergens Næringsråd) og Bjørn Lødemel (dagleg leiar, Sogn og Fjordane Næringsråd).
Fremhevet foto av M. Mæland er tatt av Torbjørn Tandberg.
https://www.sf-n.no/wp-content/uploads/2019/09/dsc2828-e1568114507843-scaled.jpg7821920mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2019-09-10 13:29:462024-11-25 13:13:28Kommunal- og moderniseringsminister Monica Mæland til Førde
Framtidsfylket og Sogn og Fjordane Næringsråd har tatt initiativ til eit nytt leiarutviklingsprogram. Målet er å heve nivået på leiarane i fylket.
– Omstilling, innovasjon, det grøne skiftet, bærekraftige forretningsmodellar, rekruttering, digitalisering og nytt storfylke. Dette er utfordringar vi alle føler på og ønsker å ruste oss for. I samarbeid med Sogn og Fjordane Næringsråd har vi difor fått skreddarsydd eit program for leiarar i Sogn og Fjordane, seier Linda Hovland, dagleg leiar i Framtidsfylket.
Bjørn Lødemel, dagleg leiar i Sogn og Fjordane Næringsråd, meiner oppdaterte leiarar er heilt avgjerande for utvikling i bedriftene.
– Vi lever i ei verd med stadig raskare omstilling og større krav til leiarskap på fleire område – også her i Sogn og Fjordane. Då er det viktig med leiarar som heng med i omstillingstakta, oppdaterer seg og har føresetnad for å utvikle bedrifta og dei tilsette. Programmet er høgst aktuelt.
Styreleiar i Framtidsfylket, Nandor Helgheim, meiner dette er ei viktig satsing for fylket og framtida:
– Vi ønsker å møte nye strukturar med endringsvilje og tilpassing. Å heve nivået på leiarane i fylket er ein god start, og vil gjere prosessane enklare.
Styreleiar i Framtidsfylket: Nandor Helgheim
Vil skape nyttige nettverk
Programmet blir levert av NHH Executive i samarbeid med AFF. Det blir lagt vekt på den enkelte deltakars kompetanse på omstilling, innovasjon og endringsleiing, samt individuelle føresetnader og ferdigheiter.
– Vidare skal programmet bidra til å utvikle verksemdene til deltakarane i både privat og offentleg sektor og skape nettverk i regionen. Vi trur at leiarane i Sogn og Fjordane vil ha nytte av å komme saman og diskutere felles problemstillingar, korleis dei kan møte framtidas utfordringar og korleis utvikle seg som leiarar, seier Lødemel.
Viktig i eit rekrutteringsperspektiv
Fleire verksemder i Sogn og Fjordane melder at det er utfordrande å rekruttere kompetanse og arbeidskraft. Å skape gode arbeidsmiljø er eit viktig ledd i å tilby attraktive arbeidsplassar.
– I eit rekrutteringsperspektiv er trivsel på arbeidsstaden essensielt. Vi ser at bedriftene som tar personalpolitikk på alvor og har godt leiarskap i fokus har lite gjennomtrekk. Framtidsfylket ønsker å tilby attraktive arbeidsplassar som legg til rette for at ein får vekse både fagleg og personleg, seier Hovland.
Bjørn Lødemel i Sogn og Fjordane næringsråd og Linda Hovland i Framtidsfylket ønsker leiarar på alle nivå med i programnmet.
Tilpassa Sogn og Fjordane
Programmet er for leiarar på ulike nivå.
– Anten du er toppleiar, mellomleiar eller går med ønske om å bli leiar, kan du melde deg på programmet. Einaste kravet er at du har ein bachelor i botn, for programmet er på masternivå. Du oppnår 30 studiepoeng som kan vere del av ei mastergrad, seier Lødemel.
Dei fleste samlingane vil vere i Sogn og Fjordane, samt ei i Bergen og ei i København. Oppstart er oktober 2019, og programmet vil gå fram til desember 2020
– Programmet er unikt fordi det er produsert spesielt for Sogn og Fjordane. Det betyr at tema og problemstillingar som blir tatt opp er aktuelt for vår region. Samtidig blir det nasjonale og internasjonale case på agendaen, forklarar Hovland.
Meld deg på!
Saman oppmodar dei fylket sine leiarar til å melde seg på.
– Fagleg påfyll, nye nettverk og verktøy til å møte aktuelle utfordringar er blant det du vil få ut av programmet. Vi håpar dette kan bli eit fast tilbod, slik at det etter kvart vil vere tilgjengeleg for heile Vestland. Det igjen kan bety nye samarbeid og synergiar, seier Hovland.
– Og så må vi få takke Sparebankstiftinga Sogn og Fjordane og Sogn og Fjordane Energi som viktige medspelarar for at vi kan tilby programmet. Dei ser viktigheita av eit høgt nivå på leiarane i fylket, avsluttar Lødemel.
Sogn og Fjordane er inne i ei tid med store omstillingsbehov og moglegheiter. No tilbyr vi eit skreddarsydd leiarutviklingsprogram til leiarar som vil ruste seg for framtida.
Verksemder i både privat og offentleg sektor står framfor store endringsutfordringar. Sentralt i dette står endring i teknologi, endring i kunde- og forbrukaråtferd og nye forretningsmodellar. For at organisasjonen skal kunne tilpasse seg, er det viktig at leiarar fyller på med kompetanse og tek i bruk nye modellar og metodar for verdiskaping, vekst og å vere ein attraktiv arbeidsgjevar.
Bli ein leiar for framtida!
Framtidsfylket og Sogn og Fjordane Næringsråd inviterer til eit kompetansegjevande leiarutviklingsprogram som gjev deltakarane 30 studiepoeng på masternivå. Studiet gir deg relevant fagleg påfyll og eigenutvikling som leiar.
Programmet blir levert av NHH Executive i samarbeid med AFF.
Oppstart: 28. oktober 2019
8 samlingar over 16 månadar.
Frist for påmelding: 1. september 2019
I kompetanseprogrammet inngår
Åtte 2-3 dagars samlingar fordelt over 16 månadar
Online forelesingar i framkant av samlingane
Obligatorisk litteratur
Canvas (digital læringsplattform)
Ei samling er lagt til København
Rettleiing av innleveringsoppgåve
Grupperettleiing mellom samlingane
Eksamensgjennomføring og sensurering
Samlingsdatoar
28.– 30 . oktober : Gloppen Hotel, Sandane
2. – 4. desember : Norges Handelshøyskole, Bergen
10. – 12. februar 2020: Quality Sogndal Hotel, Sogndal
30. mars – 1. april 2020: Fretheim Hotel, Flåm
25. – 27. mai 2020: København
19.– 21. august 2020: Scandic Sunnfjord Hotel, Førde
5. – 7. oktober 2020: Alexandra hotel, Loen
30.11 – 2. desember 2020: Gloppen Hotel, Sandane
Pris
For tilsette i offentlege organisasjonar: kr 135 000,-
For tilsette i private bedrifter: kr 90 000,-
Differansen kjem av at det finst ulike tilskot til kompetanseheving for offentlege tilsette som kvar enkelt kan søke på. Deltaking for tilsette i privat sektor er støtta av Sparebankstsiftinga Sogn og Fjordane og Sogn og Fjordane Energi.
Deltakaravgifta dekker ikkje:
Reise og overnatting til samlingene og utanlandstur
Har du spørsmål om kontrakt og pris, kontakt: Linda Hovland, Framtidsfylket. Mob 99 0178 52/E-post: linda@framtidsfylket.no
Har du spørsmål om det faglege programmet kontakt: Tore Hillestad, NHH
Har du spørsmål om opptak, kontakt: Lena Marie Vestli, HNN
https://www.sf-n.no/wp-content/uploads/2019/06/analytic-business-meeting-flat-design-on-top-illustration-vector-id506991738.jpg4721024mediebruketbothttps://www.sf-n.no/wp-content/uploads/2024/12/sfn-logo-kopi.pngmediebruketbot2019-06-27 10:23:452024-11-25 13:13:50Nytt leiarutviklingsprogram til Sogn og Fjordane
Framtidsfylket og Sogn og Fjordane Næringsråd har tatt initiativ til eit nytt leiarutviklingsprogram. Målet er å heve nivået på leiarane i fylket.
