Sogn og Fjordane Næringsråd jobbar med omfattande revitalisering og fornying
Sogn og Fjordane Næringsråd jobbar med eit spennande medlemsprosjekt i Sogn saman med Erlend Fardal Lunde.
Sogn og Fjordane Næringsråd jobbar med eit spennande medlemsprosjekt i Sogn saman med Erlend Fardal Lunde.
Det har blitt ein fin tradisjon med ei julehelsing og oppsummering av året som har gått til medlemsbedrifter og gode samarbeidspartnerar. Dette er ein fin måte å sjå tilbake på og det gjev inspirasjon til å jobbe ennå hardare med viktige saker for næringslivet i Sogn og Fjordane.
Dei næringspolitiske sakene har høgast prioritet i Sogn og Fjordane Næringsråd. Det vart jobba mykje med forslaga om grunnrenteskatt og skattenivå i oppdrettsnæringa tidleg i 2023. Vi hadde eit nært samarbeid med ei av våre medlemsbedrifter, Osland havbruk, for å synleggjere konsekvensane av forslaga som kom frå regjeringa. Sjølv om det kom nokre betringar gjennom handsaminga i Stortinget blir det likevel svært krevjande for mange av dei små og mellomstore oppdrettsselskapa i Sogn og Fjordane framover.
Det har også vore stor fokus på formuesskatt og skatt på arbeidande kapital i 2023. Det er ikkje generell motvilje i næringslivet mot å betale skatt, men skattar som må betalast uansett overskot eller ikkje er krevjande. Det tappar bedriftene for viktig kapital for å utvikle seg vidare og ha naudsynte midlar til å investere. Dessverre har nivået på slike eigarskattar auka mykje siste åra, og det blir no jobba med å synleggjere kor skadelege slike eigarskattar er for mange av våre bedrifter. Dette vil vere ei av hovudsakene for Sogn og Fjordane Næringsråd også i tida som kjem.
Ei anna viktig sak for reiselivsnæringa og våre medlemar i Flåm er saka om nullutslepp i verdsarvfjordane i 2026. Stortinget gjorde vedtak i 2018 om at det skulle vere nullutslepp i verdsarvfjordane frå 2026. Seinare har Stortinget gjort vedtak om at det skulle etablerast landstraum i Flåm og at det skulle leggast til rette for vidareføring av cruisetrafikken også etter 2026. Dette har ikkje blitt følgt opp av statlege myndigheiter. Sogn og Fjordane Næringsråd har jobba tett saman med våre medlemsbedrifter i Flåm for å få på plass eit regime for cruisetrafikken som både reduserer utslepp og som gjer at reislivsnæringa får trygge og føreseielege rammevilkår. No har Sjøfartsdirektoratet kome med ei tilråding til klima- og miljødepartementet som både gjer det mogeleg å vidareføre cruisetrafikken i Flåm og legge til rette for landstraum. Det er bra!
Det blir jobba med mange store og små saker i tillegg til dette. Dei fleste av dei næringspolitiske sakene Sogn og Fjordane Næringsråd jobbar med er saker som blir handsama av regjeringa og Stortinget. Det er derfor svært viktig at vi kan ha god og tillitsfull kontakt med stortingsrepresentantane våre. Det har vi hatt heile tida uavhengig av kven som er der og politisk farge, og det er vi svært takksame for. Dette gjer at vi heile tida kan ta opp både store og små saker som er viktige for våre medlemsbedrifter. Vi vil nytte dette høve til å gratulere Erling med statsrådpost og Aleksander med plass på Stortinget. Eg hadde glede av å besøke Aleksander på Stortinget i haust og det var stas.
Generalforsamlinga i år var på Quality Hotel i Florø. Tema var energi, skattepolitikk og sjømatnæringa. Vi hadde svært god deltaking også i år og det var dagsaktuelle tema i den opne delen. Alle stortingsrepresentantane frå Sogn og Fjordane var med på Generalforsamlinga og det sette ein ekstra spiss på diskusjonane. Programleiar på samlinga var Johanne Viken Sandnes og ho gjorde ein
flott jobb.
Nokre av gjestane som hadde innleiing var administrerande direktør i Fornybar Norge, Åslaug Haga og Atle Isaksen fra Linja AS. Under tema Norsk eigarskap under press var det Knut Flakk, leiar i Aksjon for norsk eigarskap, Trine Lerum Hjellhaug, Lerum Fabrikker AS og Richard Grov fra Alexandra Hotell. I tillegg hadde kommunikasjonssjef i Sjømat Norge Henrik Horjen og Cicilie Færestrand og Aslak Hustveit fra Slakteriet i Florø innlegg.
På den formelle Generalforsamlinga var det nyval på 2 styremedlemar. Både Elin Tveit Sveen og Leif Årne Åsen har vore med i styret heilt fra skipinga i 2016 og dei har gjort ein flott jobb for Sogn og Fjordane Næringsråd og næringslivet i Sogn og Fjordane. Dei som overtok stafettpinnen etter desse er Kristin Bergstøl Hansen fra Slakteriet i Florø og Jørgen Drage fra O. Drage AS. Tore Bråstad vart vald til ny nestleiar. Sparebanken Sogn og Fjordane og Sparebanken Vest har spelt ei viktig rolle i Sogn og Fjordane Næringsråd heilt frå skipinga i 2016 og dei vart også takka på Generalforsamlinga.
Sogn og Fjordane Næringsråd samarbeider tett med andre næringspolitiske organisasjonar og andre organisasjonar som mellom anna jobbar med utdanning og rekruttering. Ein del av desse er også medlemar hos oss. I august skreiv vi under ei samarbeidsavtale med Høgskulen på Vestlandet om praksisplass for 1-2 studentar og meir forpliktande samarbeid fram til sommaren 2025. Vi fekk også hjelp frå Elin Midtun frå HVL til å lage ny strategiplan. Næringsalliansen Vestland er ein av dei viktigaste samarbeidspartneren våre. I oktober hadde vi eit svært godt møte i alliansen på Voss.
Vi har snart bak oss eit år med store variasjonar i næringslivet og mykje uro i verda rundt oss. Mykje av det vi opplever i vår kvardag er ingenting mot det som alt for mange opplever i sin kvardag til dømes i Gaza og i Ukraina. Det er også viktig å ta med seg inn i det nye året.
Sogn og Fjordane Næringsråd ønskjer alle ei fin julehelg og eit godt nytt år.
Helsing
Yngve, Tore, Jon-Rune, Jannet, Geir Arne, Kristin, Jørgen og Bjørn
På styremøte 26. september vart det handsama viktige næringspolitiske saker i tillegg til handlingsprogram for ny strategiplan og kommunikasjonsplan.
Sjå presentasjonar og oppsummering etter generalforsamlinga på Quality Hotell Florø 30. mai 2023.
I romjula vart det sendt ut ei spørjeundersøking om dei økonomiske utsiktene for 2022, og det kom inn totalt 425 svar frå næringslivet i heile Vestland. Med bakgrunn i dette vart det i helga laga ein uttale frå Næringsalliansen Vestland på dei to viktigaste sakene. Det var:
Her er svara på undersøkinga og uttalen som vart sendt denne veka:
kortversjon-økonomiske-tilstander-2022.pdf (bergen-chamber.no)
20221210 Opprop mot skjenkestopp
Sogn og Fjordane Næringsråd ønsker velkommen til generalforsamling på Quality Hotel Sogndal 7. juni kl. 12.00 – 17.30. Eit sentralt tema på programmet er klimamelding og bærekraft, og vi har blant anna med oss klima- og miljøminister Sveinung Rotevatn.
Fullt program finn du her:
Program open del Generalforsamlinga Sogn og Fjordane Næringsråd
Påmelding til: bjorn@sf-n.no seinast 1. juni.
Førstemann til mølla om det blir restriksjonar i talet på deltakarar.
Pris for lunsj og kaffimat er 350,- kroner (betalast direkte til hotellet). Bestill lunsj ved påmelding.
Vi har bak oss eit svært spesielt og krevjande år på alle måtar. Koronapandemien har sett sitt preg på det meste vi har gjort både som enkeltpersonar, næringsliv og offentlege myndigheiter. For mange av våre medlemsbedrifter har det vore eit svært krevjande år med stor usikkerheit både for det daglege og for framtida. Særleg gjeld dette for reiselivet. For andre har det gått betre, og det er å håpe at etter kvart som fleire og fleire blir vaksinert kan vi kome tilbake til ein meir normal situasjon både for næringslivet og for samfunnet.
Les heile årsrapporten her:
På Generalforsamlinga til Sogn og Fjordane Næringsråd 17. juni vart det valt 3 nye medlemmer i styret. Dei nye medlemmene er: Jannet Aksnes frå Flåm, Jon B Nesje frå Stryn og Geir Arne Solheim frå Deknepollen.
Torsdag 27. august hadde det nye styret sitt første møte på Kviknes Hotell i Balestrand, og heile gjengen stilte opp til fotografering i hotellhagen på Kviknes Hotell.
Frå venstre: Jon B Nesje, dagleg leiar Bjørn Lødemel, Elin Tveit Sveen, Geir Arne Solheim, styreleiar Yngve Hallèn, Jannet Aksnes, nestleiar Leif Arne Åsen og Tore Bråstad.
Sogn og Fjordane Næringsråd har jobba med mange viktige saker for næringslivet i Sogn og Fjordane siste åra, og det er mykje spennande som skal skje framover.
Sogn og Fjordane Næringsråd er på god veg til å bli ein sterk næringslivsorganisasjon i Sogn og Fjordane og i Vestland som har god politisk gjennomslagskraft og som er pådrivar for framtidsretta strategisk utviklingsarbeid i Sogn og Fjordane. Sogn og Fjordane Næringsråd har også teke ein viktig posisjon inn mot regjeringa og Stortinget. Alt dette ønskjer vi å forsterke i tida som kjem.
For å klare dette må Sogn og Fjordane Næringsråd ha ei stor og representativ medlemsmasse frå næringslivet i Sogn og Fjordane.
Sogn og Fjordane Næringsråd er svært gladet og takksame for at vi har om lag 120 medlemar og vi ser svært gjerne at det blir ennå fleire. Ta kontakt, vi kjem gjerne på besøk om det er ønskje om det. Her kan du melde inn bedrifta di.